Greqia ka ngritur alarmin se 4 rajone të vendit mund të përfshihen nga flakët, si pasojë e temperaturave të larta mbi 40 gradë.
Mediat greke bëjnë me dije se autoritetet kanë parashikuar rrezikshmëri të kategorisë së 4 për zonat e mëposhtme:
* Rajoni i Atikës
* Rajoni i Greqisë Qendrore (PE Boeotia, PE Evia)
* Rajoni i Peloponezit (Rajoni i Korinthit, Rajoni i Argolis)
* Rajoni i Egjeut Jugor (Rajoni i Rodos)
* Rajoni i Egjeut të Veriut ( Kios, Samos , Ikaria)
Sekretariati i Përgjithshëm i Mbrojtjes Civile ka informuar agjencitë qeveritare dhe bashkitë e mësipërme në mënyrë që të jenë në gatishmëri të shtuar të mbrojtjes civile për të përballuar menjëherë çdo incident zjarri.
Rekomandime për qytetarët
Njëkohësisht, Sekretariati i Përgjithshëm i Mbrojtjes Civile rekomandon qytetarët që të jenë veçanërisht të kujdesshëm dhe të shmangin veprimet në ajër të hapur që mund të shkaktojnë zjarr nga pakujdesia, si djegia e barit dhe degëve të thata apo pastrimi i mbetjeve, përdorimi i makinerive që shkaktojnë shkëndijat si sharra rrethore, aparate saldimi, përdorimi i grilave në natyrë, bletë që tymosin, hedhja e cigareve të ndezura etj. Gjithashtu, kujtohet se gjatë sezonit të mbrojtjes nga zjarri ndalohet djegia e arave.
Në rast zjarri, qytetarët janë të lutur të njoftojnë menjëherë Shërbimin Zjarrfikës në numrin 199.